من أقصاي لقصاي

من أقصاي لقصاي

من أقصاي لقصاي



اليوم ياصالح تصاغرت دنياي
وصارت بعيني كبر عين الجراده

يامسندي في ضيق وقتي وبلواي
ياليت وقتي قابل للاعاده

وانت تعرفني وتعرف رمز معناي
من قبل ليل الهم يطغى سواده

مالي ونيس الا قصيدي ومركاي
وكيف(ن) يقتد مخ راسي قناده

لله سبحانه إدعايه ومشكاي
رب يحقق ماتمنو عباده

إجتاحني حزني من اقصاي لقصاي
حزن الغريب إلى نزح عن بلاده

لي عام واكثر في المقابيل رجواي
مات الرجاء والياس جيش إجهاده

قبل أمس براق السعد في محاي
واليوم قفى ي ضعون السعاده

لي حاجه من دونها صفو اعداي
ومن شانها قامت حروب الاباده

وليت الخطر كله من أعداي وجاي
مبر البلا قام البعير بشداده

فالليل جلسه بين حاقد ووشاي
وفالصبح كلن قام يسرج جواده

حطولهم حد ومساعد ورماي
بنولهم جسر بعزوم وجلاده

وذلحين انا في وضع مدري وش الراي
والرجل لابده يشاور فؤاده

اقول ذل وعيب لو أقصب ارشاي
ولو قمت مثل الي يحرث الرماده

أببطش بيمناي وببطش بيسراي
موت العزيز ولا حياة النقاده


الشاعر :
عبدالعزيزالوذيناني/أداء ...

الموضوع الأصلي: من أقصاي لقصاي || الكاتب: بنت الصحراء || المصدر: منتديات ابن الصجراء

https://www.ibn3.net/vb

المصدر: منتدى ابن الصحراء - من قسم: الشعر العـــام

---

lk Hrwhd grwhd