]يابيت

]يابيت

يابيت

يابيت مريتك عقب غيبة سنين
وذكرت ناس كان تسكنك يابيت

وحاولت اخفي دمعتي داخل العين
واصـد ماودي تشـوف الشماميت

بـكيـت فرقـا اللي علـى النفس غالين
خـذتني الذكـرى لهم يـوم مريـت

أبكـي علـى اللـي سـاعـة الازم يبيـن
ويطري على بالي ليا اصيحــت وامسيـت

واجـر بالونات من وقتي الشين
وقت(ن) يشتت شمل الاحباب تشتيت

ليا طرت لي بالوفاء سيرة حسين
هزتني الذكرى دموع وتناهيت

عود(ن) ظهر طاريه بالعسر واللين
وعياله اللي بالمواقـف لهـم صيـت

ابوي واعمامي على العز ضارين
وانا بهم وقـت الشدايـد تعـزويت

ساس الوفا والجود للكل وافين
ليا طروا جريت صوتي وونيت

روس الرجال مرجحين الموازين
بافـعالهـم بين القبايل تغـنيـت

وبغعالهم تشهد كبار الدواوين
وافضالهم عمت على الحي والميت

وبيـوتهم للطـيب كانت عنـاوين
مجالس(ن) ماتنسى لو تناسيت

حلوين مرين على الضد قاسين
عـز الرفـيق مطـوعة كل عـنتيت

الله عـلى اهـل الطيب والفكـر والـدين
وقـفـاتهـم مثـل الجبـال النحـاتـيـت

ذخـر الـذي يشكي من الضـيم والبيـن
عـز الله انـي عـــقــبـهـم ماتهـنـيــت

منهـم خـذيت النعـم اول وهـالحـيـن
وانـا مـن دلال المراجـل تــقـهـويـت

امـشي على نهـج الـرجال المسمـيـن
عـلى سلـوم اهـل المكـارم تربـيـت

من طـبعي اجـازي هـل الشين بالـزين
ولا قـد ذكـرت اني على غـيري اخـطـيت

ولانـي من ضعـوف الرجـال المساكين
من الصغـر عـلى المـعالي تهـقـويت

من لابـة(ن) على المـكـارم مضـرين
وتدري بي ربوعي اذا رحـت وان جـيت

ماهـمـني من ثـروتـه بالمـلاييـن
ولا له مع اهل الطيب والمرجله صيـت

وقـت اللزوم يصـد مايقـضي الدين
وانا بعـد صـديـت عنه وقـفيـت


ظافر عايض الأحبابي
شاعر أبوظبي المهندس



---------------------------------

الموضوع الأصلي: ]يابيت || الكاتب: الفني || المصدر: منتديات ابن الصجراء

https://www.ibn3.net/vb

المصدر: منتدى ابن الصحراء - من قسم: الشعر العـــام

---

Ddhfdj