من سطر التاريخ ياكود الاحرار

من سطر التاريخ ياكود الاحرار

من سطر التاريخ ياكود الاحرار


هذي الابيات اهديها لجميع قبيلة شمر الاعزاء والغالين ولا قلتها. يشهد الله
الا فخر ومحبه واعتزاز بتارخ هذه القبيله العزيزه على قلوبنا
وهي مجاراة لابيات
للشاعر -- عبد الكريم الصايل الشمري


شمـر هـل الـطـولات حمّـايـة الـجـار=شمرعلـى حـشـد المـعـادي مصيـبـه
اهـل اللحيسـا علمهـم يمـلا الاقطـار=فــي نجـدهـا وبـغـداد مـذكـور طـيـبـه
وبالشـام مجـد ً للطنـايـا،،،، وتـذكـار=هــذي حقـايـق دون شٰكً ،،، وريـبـه
فــي كــل ديــره للسنـاعـيـس تـعـبـار=قـوم ابـو خـوذه راس قــومً ،وهيـبـه
مـن ترثـة الجربـان وافيـن الاشـبـار=زعيمـهـا محـسـن عـسـى الله يثيـبـه
ومن قبل حاتم طـي يصـدح بالاخبـار=صيته سما. من فـوق راس الجذيبـه
اهل الصخا والجود شمر هـل الكـار=زبـن الدخيـل وعـزوتـه عــن طليـبـه
مـجـدً تعـلـى وارتـفـع مـثـل سـنـجـار=نــهــجً مـشـاكـيــل العرب،تـقـتـديـبـه
الشمـري تعجـز ،،،اتوفـيـه الاذكــا=رلابــة سناعـيـس الفـعـايـل ،عـريـبـه
شمر لهـا عنـد السلاطيـن ،،،مقـدار=وان ما حصل بالليـن. ياتـي غصيبـه
ماهـي حكايـا او سوالـيـف ،، هــذارشمـر. سعيـد الحـظ ،،مــن يعتزيـبـه
والشمري / والوايلي دايـم ،،،اكبـار=واسلومـهـم تسـمـوا ولابــه معـيـبـه
ومن سطر التاريخ. ياكود ،،الاحرار=ومن هو عطـا الاوطـان عـزً وهيـبٰه
من دون قاصر بالقبايل.،، والاخيـار=وكلـن علـى مـا قيـل. مــاخٰذ نصيـبـه
اقــول بـالاجـواد. والنـعـم ،،،مـلـيـار=ونعم وكفٰوا باهـل الصـدور الرحيٰبـه
مـا غـط انـا بحقـوق وافيـن الاشبـار=ومـن يظلـم. الاجــواد ربــه حسيـبـه
والحـق شٰمسـه مـا يخفّيهـا الاغبـار=ومـن غـط حـق الغير،عـار ومعيـبـه
كل شي تسطر بالصحايف والاشعـار=مـن العصـر الاول للعصـور القريبـه
اقولـهـا واكــرر ،الـهــرج ،،تـكــرار=تـذكـيـر جـبـتـه للـعـقـول ،، اللـبـيـبـه
هذا وانا مـن قـوم ترفـا خطـا الجـار=اهــل السـمـوت الـنـادرات العجيـبـه
ربعـي بنـي وايـل مقاييـس الاخـطـار=الـورع. وقت.الضـيـق ينـطـح كتيـبـه
ارفع براسي فوق وان صارما صار=ربعـي حزامـي. بالظـروف العصيبـه
وصـلاة ربــي عــد زخــات الامـطـار=عـلـى رسـولــه والامـــام ،وحبـيـبـه


اخوكم
محمد بن سوعان الربيّع

الموضوع الأصلي: من سطر التاريخ ياكود الاحرار || الكاتب: راع المهرة || المصدر: منتديات ابن الصجراء

https://www.ibn3.net/vb

المصدر: منتدى ابن الصحراء - من قسم: الشعر العـــام

---

lk s'v hgjhvdo dh;,] hghpvhv