قصيدة لمخلد القثامي يوصي فيها ابنه غازي

قصيدة لمخلد القثامي يوصي فيها ابنه غازي

قصيدة لمخلد القثامي يوصي فيها ابنه غازي



يقول فيها:

يقول مخلد رد من طيب البنا = تماثيل بيطار تنقى عجيبها
من وقتنا اللي هاض نفسي وحسني = ايام علينا الرب الاكبر رضى بها

واحلنا ومدينا الفرع لامده الحيا = وعزي ليمنى ماتحصل قضيبها*
تلفت في ربعي هل الجود والثنا = عسى حاجه من واحد نقتضي بها

وتجاوز اهل المال بالقرش بينهم = هذاه ياخذها والاخر يجيبهـا*
وحازوا قليلين المواشي لحالهم = سوات السباع اللي يروع قنيبها

ياكم غني جود الله حضايره = يوم الليال الشهب شبت شبيبها*
مذاخير كفه للمره في زهابها = عسى حلته بمردف يعتدي بها*

وياكم قطوعي قويه عزايمه = مذاخير كفه في الدهر يبتهي بها
يمسون خطاره على صاخن الشحم = يوم السويدا يجمد الما لسيبها*

ابا اوصيك ياغازي ترا الروح فانيه = والايام تضحك بك ولايندري بها
تغانم شبابك قبل يلعب بك الجهل = تغانم زهرها قبل يابس ركيبه*

زهرها الكرم والدين والصمت والظفر = وخيار الاريا لاتجنب صليبها*
وعليك بالعاني ليا جاك عاني = اليا جاك عاني راكب مع نجيبها*

وابا اوصيك في خصمك على قطع عارفه =اليا جاك فايام الطلابه طليبها*
وابا اوصيك بالشيمه ترخص مقامها = تضحك رجاجيل تدبر غبيبهـــا*

واحذرك من طنب الردى لاتجاوره = نحوس الرفاقه لا تظلي طنيبهــا*
توذيك حرمتهم وينبحك كلبهم = كما النمله اللي ماتريح قريبها*

ترى ربعك الاقصين سترك عن الشقا = قبيلتك ساعفها ولاتعتدي بهـــا*
وترى ربعك الادنين نصرك على العدا=سيوف اليا جا اللقا تقتضي بها

وابا وصيك للخطار في هاشل العشا = اليا ما نصوك فلا تقصر وجيبها
قرب لهم بالطيب والكيف والذرى = وقرب معاميل على الله نصيبها*

وان كان ماتاجد قراهم بحاضر = عسى ببيتك حاجه تشتري بهـا
تلقا كروف الضان حواشه الغنم = تسوم سومه مارضى بها

وترى جارك الايمن خيار اللزايم = وجارتك عطها حقه تهتني بها*
واباوصيك في ام القصر الاصرميه = اضنك اليا جت الكرامه تثيبهـا*

ترى مدة القصار توعدك بالفرج = وتدعي بدعوه ربنا يستجيبها*
وترى طراة الروح عجل من الفتى = انثر شعايا راسها مع عصيبها*

واحذرك عن راي المره لاتطاوعه = ترى ضروة النسوان تملك خطيبها*
تغويه عن درب الشكالات للردى = وتضرس تضارس ولبه جوف صيبها

واحذر بنت اللاش يعجبك زينها = تحنى كواعبها وتنسع ذويبها*
تراها سوات العشب في دمنة العرب = حتى حمار الحلس مايرتعي بها

تجذب خناطيف تصافر عيونهم = وابوها واخوها جالسين لصيبها*
وترى اللاش مثل الليله الكردسيه = كما ليلة ام قبيس ما ينسري بها

وترى اللاش مثل الليل والوبل والمطر = يدم اللهايب لين يطفي لهيبها
عليك ببنت مجرب عارفينه 00 قروم الرجال اللي تنومس نسيبها*

اتعب لها العيرات واتعب لها القدم = واتعب لها لو هو بعيد مغيبهـا*
تراهم يسوقون الكحيلات في النسب = قحص المهار اللي خفاف هذيبها*

تجذب حرار من معالي وكورها = تجذب حرار من معالي ركيبها*
واباوصيك في حرش الوبر شمخ الذرى = كما جوخه شرايها يكتسي بها

البل عظام المال ياجاهل بها = لكنها ماكل شي يجي بها*
البل تبي قرم قويه عزايمه = دايم على طرافها مشتقي بها*

يازينها في وادي عقب علته = نو السماك عقب الثريا سقي بها*
في وادي زاف الزهر في جوانبه = وظلت دقايقها تكاسر لشيبها*

وياحلو عند العصر زين اعتلاجها = رطين العساكر في بلاد تصيبها*
جلايب ليا مشت وقرين ليا امرحت = ويروون هشال العشا من حليبها





-----------------------------

الموضوع الأصلي: قصيدة لمخلد القثامي يوصي فيها ابنه غازي || الكاتب: راع المهرة || المصدر: منتديات ابن الصجراء

https://www.ibn3.net/vb

المصدر: منتدى ابن الصحراء - من قسم: شعراء الماضي

---

rwd]m glog] hgrehld d,wd tdih hfki yh.d