لاضـاق صـدري

لاضـاق صـدري

لاضـاق صـدري جديـد الجيـب تليـتـه



لاضـاق صـدري جديـد الجيـب تليـتـه
وأخذتلـي مـع صحـارى نجـد تجوالـي

جيب علـى شـف بالـي مانقـص زيتـه
اليا عطا الخـط الأسـود ينشـرح بالـي

أبعد عن الهم يوم أركـب علـى سيتـه
كـنـي بلـنـدن بـــراد زيـــن وظـلالــي

يـازيـن مـسـراه يومـنـه سـطـع ليـتـه
ان اشهـد انـه يقطعـك اشهـب الـلالـي

لـو اتـمنى بـدنـيـايــه تـمـنـيـتــه
ميـر احمـد الله عـلـى كيـفـي تهيـالـي

لــو كــان غـالـي بـسـعـره ماتغلـيـتـه
ماهمـنـي قيمـتـه لــو الـثـمـن غـالــي

وان شفت رجم علـى مشـراف عديتـه
ليـن اتطلـع وأشـاهـد روس الأقـذالـي

والروض الأخضر يونسني ليـا جيتـه
وشوف النفل والخزامى هو دوا حالي

يـازيـن ريـحـة شـذاهـا يــوم شميـتـه
نبـت الطبيـعـة لـهـا بالقـلـب منـزالـي

وشــوف المغاتـيـرفـي جـــو مفلـيـتـه
وضـح مزاييـن تشبـه وضـح فنجالـي

وراع الدبش فـي طرفهـا بانيـن بيتـه
للضيـف فـي ربعتـه ممسـا ومقيـالـي

درب ليـا جـيــت بـيـته ماتـعـديـتـه
تبـشـر بفنـجـال بــن وفــال وعقـالـي

وخوة رجـال علـى الطيـب متواصيتـه
ماغيرتها العصـور وبعـض الأجيالـي

وشوف الحبارى مـع القـاع متمثنيتـه
يسـوى حـيـاة المديـنـة يابـعـد حـالـي

وسوالـف مـع حكـيـم كــل ماأوحيـتـه
تطـرد همـوم بقلبـي تشـعـل اشعـالـي



للشاعر: سهل بن بندر العتيبي

الموضوع الأصلي: لاضـاق صـدري || الكاتب: البدويه || المصدر: منتديات ابن الصجراء

https://www.ibn3.net/vb

المصدر: منتدى ابن الصحراء - من قسم: الشعر العـــام

---

ghqJhr wJ]vd