قصيدة يبه شلوونك للشاعر سالم السيار

قصيدة يبه شلوونك للشاعر سالم السيار

قصيدة يبه شلوونك للشاعر سالم السيار

يبة شلونك ..

أبي أتبلل بصوتك .. انا وخالد نبي نتبلل بصوتك ..

ياغيمه ظللت عمري ويمشي ظلالها وياك..

يبه.. لا تغيب عن عيني ... وش تسوى حياتي لو تغيب عني وش تسوى...

مو صح الكون يتفجر .. ولون الحنا في كفي يصير أصفر

يبه ...

يبه ... لا تجفف شفاهي من احلى كلمه بالدنيا

يبه ...

يبه .. ماقلت لك وش صار ..!!

يبه .. بنت صفي منيرة ...!!

ابوها مات في حادث..

تكلمني ترى دايم .. دايم عنه تتكلم...

تقول افز من نومي أحسه بجنبي هو نايم

أحس بجنبي هو نايم

تقول دايم انا ارمي عيوني على الابواب .. اقول يمكن يلملمها باي لعبه من الالعاب..

او ورده و أروح أركض وأخبيها بوسط كتاب

يبه ... عذروبك الشارع تسوق بسرعه مجنونه

يبه .. خلنا على بالك .. يبه طير الفرح لا تكسر غصونه

تجينا ... تجينا.. يعني تجينا على موعد حبايبنا

ابيك تشوف احساسي

وورده بيضاء مغروسه وسط راسي...

وكم نجمه من الابله . تشب بليل كراسي..

وش تسوى حياتي لو تغيب عني وش تسوى ..

مو صح الكون يتفجر .. ولون الحناء في كفي يصير اصفر...

الووو

الووو

عفواً منهو وياي ..؟؟

انا خالد..!!

منهو وياي ...؟؟

تعالوا...

تعالوا ... استلموا الجثه

ابوكم

مات ..!!

مات في حادث

الموضوع الأصلي: قصيدة يبه شلوونك للشاعر سالم السيار || الكاتب: سوار ديزاين || المصدر: منتديات ابن الصجراء

https://www.ibn3.net/vb

المصدر: منتدى ابن الصحراء - من قسم: الشعر العـــام

---

rwd]m dfi ag,,k; ggahuv shgl hgsdhv