شيله الهوى الغربي فلاح المسردي وخالد الوعيلي

شيله الهوى الغربي فلاح المسردي وخالد الوعيلي

شيله الهوى الغربي فلاح المسردي وخالد الوعيلي

دخيلك يا الهوى الغربي
على قلبي تهب بزين
تراك محمل باشياء
تهز القلب وضلوعه

تراك محمل بأشيا
خفيه مستحيل تبين
ولا يفطن لها كون
الجريح ملاوع اللوعه

عليك الله وجاه الله
تلف يسار ولا يمين
ولا تحيي عروق جروح
من عامين مقطوعه

تنحرتك وانا اعرف
النتيجه دمعه وبيتين
ومجموعة هواجيس
تخالف هي ومجموعه

وتنفستك وانا اعرفك
على روح الشقي حدين
لكن الله ومرك
وجابني باقدام مقلوعه

وجودي وجد من خلي
يقيده الزمن للدين
عفيف ما اظهر الحاجه
ولا فزعوا له ربوعه

والا يا وجد حالي
وجد من خلي يشوف الشين
يتيم كلمته لا من شكى
ماهي بمسموعه

توفى ابيه عاده ما بعد
هو ينطق اسمه زين
وعاش ابلا اخوان
وناقع كمه من دموعه

على اللي راح بفوادي
وانا ادري ليه وادري وين
وروح روحة مجبوعة
ماهي بمتبوعه

ملا صدري غلا واقفا
وانا ضامي فواد وعين
لو انه غير وادعني
علي اهون من الروعه

وبنى له في الحشى سور
مثل سور بني في الصين
يرد العاذل ويحمي
ورود فيه مزروعه

حلف لي دين ما ينسى
وانا اللي قد عطيته دين
انا ديني على ماهي
وهو ما غيَّر طبوعه

على خبري لكني رحت
ادور للحقيقه لين
عرفت اسباب ما تقنع
وشفت اسباب مشروعه

لو انه راح هاجرني
علي اهون من الثنتين
مراح ما يبيه
وعبرة في الحلق مقروعه

عسى ربي يسامح كل من له
في الفراق ايدين
سبق سيف الفراق العذل
يا روحين منزوعه

دخيلك يا هوى الغربي
ترى ماني من السالين
ولو بينت لك ضحكه
تراها صدق مصنوعه

دخيلك كف ولا لف
ولا غير هب بزين
ترى ماهو يعرفك كون
انا وملاوع اللوعه

الموضوع الأصلي: شيله الهوى الغربي فلاح المسردي وخالد الوعيلي || الكاتب: سوار ديزاين || المصدر: منتديات ابن الصجراء

https://www.ibn3.net/vb

المصدر: منتدى ابن الصحراء - من قسم: الشيلات الشعبية

---

adgi hgi,n hgyvfd tghp hglsv]d ,ohg] hg,udgd