قصه وقصيدة الوهبي من شمر في جارهم السهلي ( نادره )

قصه وقصيدة الوهبي من شمر في جارهم السهلي ( نادره )

رجل شاعر يبلغ من العمر أكثر من 85 سنه حاد البصيره ضعيف البصر ... هو :
( محمد بن فدغم اللوح الوهبي الاسلمي الشمري ) .. يقول هذه القصه بأحد المجالس عندما أخذ اجازه من دوامه .. وكان شاعرنا يعمل
" خوى عند أحد ألامراء " قبل اكثر من ستين عاماً في اول حكم الموحد الملك عبدالعزيز بن عبدالرحمن ،، وأستأذن من معزبه لكي يذهب الى اهله في حايل وكان اهله يقطنون ( قرية المضيح ) بالطارف بجبال سلمى وعندما قرب المقطان وقرب الصفرى مرض
خويهم ويدعى ( نهير السهلى ) الذي كان جار لقبيلة ( الوهب ) فصنعوا : له نعش لكي يحملوه من المضيح بحائل إلى رفحاء > وموقعها في
روضة ( الخّر خر الشمال ) بجانب
العويقيله شمال ( رفحاء ) انذاك "150كم" على طريق ( رفحاء عرعر ) وعندما يتم تنزيل خويهم نهير تنزل ( قبيلة الوهب ) ويربعون ويصيفون في الشمال ثم يعودون الى ديارهم المضيح حاملين جارهم السهلى على اكتافهم ايضاً ورجال القبيله تساعد بعضها البعض في حمل نعش جارهم السهلى ...... وشاعرنا / محمد اللوح ،، ضاق صدره بعد رحيل معظم القبيله عن مقطنها ويبقى بعض من رجال القبيله ليس لهم حلال ( وشاعرنا هذا) يذهب الى (( رجم )) قريب من بيوتهم ويتذكر ربعه يوم يروحون يم رفحاء ويفيض العبرات عند هذا الرجم ويشاهد أثرهم يوم يشيلون ( خويهم نهير ) ويوم تمشى المظاهير ويفرح ( الشاعر ) ويسعد ويفيض عبرته ويجيئ عائداً الى اهله وفي بعض المرات ذهب الى الرجم فلم يجد اثر ،، ربعه في مكانه كاالعاده ضربته سحابه غريبه وغيبت الأثر !!
( فطنا ) 😥 شـــاعــرنا !

ثم أنشد قائلاً:


ابـوك ( يارجـم ) قصـر دونـك الـشـوف=يـلـعـبـك الـشـرقــي مــشــف مـشــافــي
رجــم طـويـل ويسهـجـه كــل عـاصـوف=تلـقـى عـلــى ركـونــه ذواري سـوافــي

يـارجــم ماعـيـنـت ربـعــاً بـهــم نــــوف=ونفـوسـهـم لـلـجـار تــــودع اضـعـافــي
نهيـر علـى العمـدان ينقـل علـى كتـوف=مـن عـرض ماسـووا زمـول الجـزافـي

فـكـاكـت المـظـهـور نــزالــت الــخــوف=بـمـصـقـلات الـهـنــد خــضــر رهــافــي
البارحـه مانمـت انــا الجـفـن مـطـروف=قــامــت تــخــذف دمـعـتــي بـانـطـرافـي

دوجــت بالبحـريـن و جـيـنـا عـقـرقـوف=والـطــار بالـيـمـنـى عـلـيــه انـتـسـافـي
ولا ينوخـذ شــيً عـلـى غـيـر تـصـروف=الـحـمــد لـلـبــاري عـلــيــم الـخــوافــي

رزاق هلـبـاجـاً عـلــى لحـيـتـه صـــوف=مـاقـيـل مـــن بـعــد المنـاطـيـس لافــــي
عربـمـب مـالـه يــودع العـفـن منـقـوف=قـلـط عـلـى الـلــي يحـتـمـون المـقـافـي

تلـقـاه بالمجـلـس طـــوف وراء طـــوف=مـثــل الـبـغـل بـطـنـه كـبـيــرآ وعــافــي
يـراكـب مـــن عـنـدنـا فـــوق مـنـحـوف=عـلـيــه مــــن دل المـنـاعـيـر ضــافـــي

يسبق خفيـف الريـش صعفـاق مجلـوف=خـطـم عـلــى كـــدر الـحـمـام الخـفـافـي
ماشاقنـي خـد ،، مـن البيـض مشـنـوف=أغضـي عنـه يامـا حصـل لــي عـوافـي

شــفــي زلازل لابــــة مـابـهــم خــــوف=ذرفــيــنٍ .. ذريـــــفٍ عــيـــال ذرافـــــي
اخـص بهـا النشمـان ربعـي بهـم نــوف=تـنـاشــدوا دوجــــات حــــم الـشـعـافــي

وأقفـو كمـا صـيـداً عـلـى بـعـد ملـقـوف=يـاصـكــة الـتــفــاق عــقـــب الـتـفـاقــي
ربعـي بنـي وهـب علـى الـضـد ذايــوف=يــاغــار هــــوش مـقـلـبـيـن الـدفــافــي

هـل اللحيـسـه واسـآلـوا كــل عــاروف=يـاكـذبــن خــطــوا الــكــذوب الـهـلافــي
شـفـي قطـيـع فـوقـه الـوسـم مـجـروف=ومـثـولـث يــدعــي الخـطـاطـيـر دافــــي

ودلال عنـهـا صـالــي الـنــار مـنـسـوف=يـطـبـخ بـهــا حـــب مـــن الـبــن كـافــي
ونجرن يهضـول بيـن الاوقـات مكلـوف=يـوعـي ثقـيـل الـنـوم لــو كـــان غـافــي

مع سابق تشـدي مـن السفـن شاحـوف=يتـلـنـهـا الـعــيــرات قــطـــم الـخـفـافــي
فـوقـه قصـيـر يــودع العـظـم مسـعـوف=روض حـديـده يـــودع الـصــب صـافــي

ونشميـة قرنـه عـلـى المـتـن منـسـوف=تفـرق عـلـى بـيـض الـعـذارى العفـافـي
امشي ديق مانـي علـى الكيـف منكـوف=ياعـاضـبـوا هـــزل الـرجــال الـعـرافـي

لابـد مـن قبـرن بـه اللُبـن مـرصـوف !!=او تأكـلـه سـحــم الـفـهـود الـهـوافـي !!
موتك عزيز في شفى رأس شفشوف !!=آخـيـر مــن مـنــة رزيـــل انـصـافـي ؟؟

وصلـوا علـى محمـد مساجيـد ووقــوف=واعـــداد مـــادار الـهــواء بأنـصـرافـي

___________________________
<>الشاعر / محمد بن فدغم الوهبي الشمري <>.
رحمه الله .
ماذا كان يتمنى شاعرنا المرحوم يتمنى البساطه بكل شي بيت مثولث ونجر وجماعه ودلال ونشميه وحر نفسه ولاهو خوي مع أمير .
رحم الله شاعرنا ورحم الله أجدادنا !! وكل هذه البساطه هي شغلهم الشاغل .
------------------------------
وكل قبيله من القبائل تفتخر بفخذها بما فعلو رجالها من انجاز عظيم من أشياء ترفع الرأس وكل وقت وزمن ومثل له رجاله وأبطاله ولا شك في ذلك ..
وقبيلة شمر عفواً !! قصدي دولة شمر تفتخر والحمدلله بجميع الصفات والالقاب المميزه فبارك الله فيها دائماً وابداً .


هذا والسلاااام عليكم ورحمة الله وبركاته .






...

الموضوع الأصلي: قصه وقصيدة الوهبي من شمر في جارهم السهلي ( نادره ) || الكاتب: البدويه || المصدر: منتديات ابن الصجراء

https://www.ibn3.net/vb

المصدر: منتدى ابن الصحراء - من قسم: قصة وقصيدة

---

rwi ,rwd]m hg,ifd lk alv td [hvil hgsigd ( kh]vi )