الشعر العـــام الشعر العام والمنقول |
|
أدوات الموضوع | إبحث في الموضوع | انواع عرض الموضوع |
02-21-2022, 09:09 PM | #1 |
يابيت يابيت الكرم والمواجيب
يابيت يابيت الكرم والمواجيب=للحين شامخ بين طـول العمارات تدري وش اللي مبعد ٍ عنك العيب=واللي رفع قدرك بجنب الطويلات راعيك باني طوفتك طيب من طيب=والساس من عز ومهابه ومروات ديوانك مشرع لعكف الاشانيب=مدهلك ياقاطع ديار ٍ بعيدات اليا لفاه الضيف يبشر بترحيب=جته السمينه مـن يدينن كريمات عند الجماعه افتخر والاجانيب=اني ربيت في بيت راع الصعيبات حلال عسرات الامور النواشيب=ماكنهـا عنده نشيبه وعسرات الله يهونها على العـود ويطيب=ويغفر له الله ويرحمه بكل مافات يابوي لافترت عظامك من الشيب=اخذ من عظامي اعظام ٍ بديلات يوم انها حر وشموس ولواهيب=يصير ظلك فوق راسي مظلات ويوم انها بردن يسل العراقيب=دفاني بشتك واحتضني من الذات تعطي ولا ترجي وراها مكاسيب=الا من الله رب عرش السماوات يمناك لامدت تمد مدها غيب=كنك تقول الطيب ياناس بسكات علمتني ان الكرم والعذاريب=ماتجتمع لو يرجع الحي لامات وانا ولدك اللي قضبت المقاضيب=في طاعتك ملزوم في كل الاوقات دامك بوسط البيت تامر وانا اجيب=ماعذربت بيتك طوال العمارات صوتك وصوت امي كبارالمكاسيب=لا يابعد صوتي وبعد كل الاصوات
المصدر: منتدى ابن الصحراء - من قسم: الشعر العـــام dhfdj hg;vl ,hgl,h[df |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|