>>>>>><<<<<<<<
قال الخلاوي والخلاوي راشد
عمر الفتى عقب الشباب يشيب
حسبت أنا الأيام بالعد كلَّها
ولا كل من عدّ الحساب يصيب
حساب الفلك بنجم الثريا مركَّب
يحرص له الفلاح والطبيب
فالَى صرت بحساب الثريَّا جاهل
ترى لها بين النجوم رقيب
إلى غابت الثريا تبين رقيبها
والَى طلعت ترى الرقيب يغيب
والى قارن القمر الثريا بحادي
بعد أحد عشر عقب القران تغيب
وسبْعٍ وسبعٍ عُدّ له بعد غيبته
هذيك هي الكنَّه تكون مصيب
ومن بعدها تطلع وبها القيظ يبتدي
وتاتي بروق ولا يسيل شعيب
والى مضى خمسٍ وعشرين ليلة
ثقل القنا من فوق كل عسيب
وتطلع لك الجوزاء وهي حنّة الجمل
وتاتي هبايب والسموم لهيب
والى مضى خمس وعشرين ليلة
يطلع لك المرزم كقلب الذيب
والى مضى خمسٍ وعشرين ليلة
يطلع سهيل مكذّب الحسِّيب
وإلى مضى خمسٍ وعشرين ليلة
تلقى الجوازي طردهن تعيب
تلقى الجوازي ما تناحر مْقِيلَهْ
لَيْلَهْ نهار وتجتلد وتليب
وإلى مضى خمسٍ وعشرين ليلة
لا تامن الماء صيّبِهْ يصيْبْ
-----------------------------------
dr,g hgogh,d ,hgogh,d vha] ulv hgtjn