قصيدة صاحب السمو الملكي الامير فهد بن
عبدالعزيز رحمه الله
عندما كان وزيراَ للداخلية مريضا في لندن في شهر شوال من عام 1385هجري
حيث بعثها الى المرحوم الامير فهد بن سعد يشكو فيها قساوة المرض:
يابو سعد صارت على اخوك غارات...شهرين اقاسي من شديد الغرابيـل
سو المرض يحمل على اخوك حملات....مافي يدي حيله ولا في يدي حيل
والله فزع من فوق سبع السماوات....وانا احمد الله يوم صارت تساهيـل
ماينفع الخايف والايام عجلات....الخـوف ماينفـع ولا القـول والقيـل
حنا هل العوجا ولا به مروات....شرب المصايب مثل شـرب الفناجيـل
لاشك انا مشغول في كل الاوقات...علـى الـذي حنـا بظلـه رجاجيـل
ماني على نفسي كثير الحسافات....لاسلم راسه روسنـا رفـاع بالحيـل
حامي حمانا بالليالـي المخيفات....لـو صـار بالعالـم كثيـر الزلايـل
فخر العروبه بالعدل والمساواه....هذاك هـو فيصـل ولا فيـه تشكيـل
يشهد له اللي شاهدوا منه ليات....ويشهد له التاريـخ جيـل بعـد جيـل
-------------------------
فاجابه الامير فهد بن سعد رحمه الله بهذه القصيده :
يامرحبا بكتاب زبـن المخلات....اهـلا هلابـه عـد وبـل الهماليـل
حمدت من زال الكدر بالمسرات.....فكاك من صكـت عليـه المحابيـل
فزع لك اللي عالم بالخفيات....مبري جروح ايـوب غيـث المراميـل
لعل مايزعج على فقدك اصوات....ولعلها لـك يابـو فيصـل تماهيـل
الله يجيرك من صواديف الافات....عساك تسلـم ياعشيـر المشاكيـل
ماانت برخيص ياربيع القرابات......لو هي بالايدي كان دونك حلاحيل
ترا لنا بك يافتى الجود هقوات....في وقتنا الحاضـر وباللـي مقابيـل
يفداك ربع قصروا بالمهمات.....اللي علـى القـالات ماتنطـح الشيـل
بعض العرب حي ومن عرض الاموات.....مايرتجي نفعه بحل المشاكيل
وفيصل ذرانا بالسنين المخيفات.....هو درعنا الضافي الى ضدنا الميـل
اللي نقل عنا حمول ثقيلات.............راس الحصيل ان كملن الحصيل
---------------
-------------------------
rwd]m whpf hgsl, hglg;d hghldv ti] fk uf]hgu.d.