قصيدة بالله ياهل البيت لاتشلعونه
بالله ياهـل البيـت لاتشلعـونـه=خلوا عيوني من حبيبـي تـروى
ثـم لاتهوزونـه تبـا تضربونـه=جعل اليدين اللـي تطقـه تكـوى
جلده حريـرٍ لـو تبـا تلمسونـه=مثل النفل لو تلمسـه لمـس ذوى
غروٍ نياشين الغـلا فـي عيونـه=يضحك ويشرلي على القلب جوى
يقـول هـذا لـك ولايقربـونـه=وابو الذي يزعل بعشرين ضـوى
وانا مليك ارضاه ماجـوز دونـه=قلبي معه في يديه من حيث موى
حيث اني افهم ماخفى من ضنونه=وادري بقلبه مـن قديـم وتـوى
واخشى عليه من العرب ينضلونه=انا اشهد ان اللي مسويـه سـوى
نبنوب مـوزٍ مايـلات غصونـه=عرقه من الجم الـزلال يتقـوى
والخد بـراقٍ تكاشـف مزونـه=مثل المشاعل في مقاديـم نـوى
عنق الغـزال مخلعـاتٍ متونـه=والثوب من فوقه عليـه يتطـوى
في خاطري مافالبشر مثل لونـه=مما خلق ربي مـن ادم وحـوى
الله على من شد مجمـع قرونـه=واكنع عليه وفـي رقبتـه تلـوى
fhggi dhig hgfdj ghjagu,ki