يابحر .. فيني من الحزن .. كثر مافيك ..
 

يابحر .. فيني من الحزن .. كثر مافيك ..


يابحر .. فيني من الحزن .. كثر مافيك ..
من حزن .. وأوجاع .. وغياب .. وغرايب !!

لاتلومني إليا شفتني .. دايم أجيك ..
ولاشفتني دايم .. على الشط .. ذايب !!

حزني كبير .. أكبر من حدود .. شاطيك ..
وأقسى من .. جروح الزمان .. العطايب !!

وإن كان تنشدني فأنا .. مقدر أخفيك ..
دايم اظن .. ويطلع .. الظن .. خايب !!

في هالزمن .. أقرب حبايبك .. يشقيك ..
إلين تدفع في غلاه .. الضرايب !!

من بعد هذا .. يبتعد .. عنك .. ويجفيك ..
ماكنه ..بجنبك .. قضى الوقت .. طايب !!

وإلا .. الخوي اللي توقعت .. يفديك ..
يفديك عمره .. لاغدت بك .. نشايب !!

صد .. وتصدد .. مايبي .. سمع .. طاريك ..
وياما .. أنت .. دونه .. أتعبتك .. الطلايب !!

لاتقول لي .. بدري .. وتوك .. ويمديك ..
وتعال .. وأسمع باقي الهرج .. صايب !!

خلك بحالك .. وأطلب الرب .. يهديك ..
ولاتنشد اللي غاب .. وين أنت .. غايب ؟؟

وإن شفتني غايب .. عن حدود .. شاطيك ..
أعرف تراني .. تحت .. ذيك .. النصايب !!

وأعرف تراني .. دايم إن ضقت .. بآجيك ..
لأني .. أنا .. والموج .. صرنا .. حبايب !!


بارك الله فيكم

ياجمالك يا البدوية
ابياات رهيبه
رووعة واكثر من روعة
واسال الله ان يبعد عنك وعنا وعن الجميع كل حزن

اسعدني حضوركي اختي الكريمة
واثلج صدري تعليقك وطيب دعاءك
اسعد الله قلبكي وبلغكي ما تتمنى وزيادة
دمتي بود ورقي وسعادة .. اشكركي
لك تقديري واحترامي

تسلم يمناك ع الطرح المميز
لاعدمنـآك ,...
بانتظارجديدك بكل شوق