منتدى ابن الصحراء - قم يالمقهوي دن نجرن ومحماس

القصائد في القهوة كثيرة عند أهل البادية ،
ولقد اهتموا بهذا الجانب ،
وغالبا يتداولون هذه القصائد في ليالي السمر ..

قم يالمقهوي دن نجرن ومحماس = واحمس لنا من حب صنعا نماها
احمس وزين حمست البن مقياس=دقه ولقمهاوعدل سواها

صبه لممرور على الخيل مدباس = تقفي عنه صم الرمك لا نصاها
من فوق ما تاخذ على الخيل منواس = لا جدعت خمثات الانفس حذاها

واثنه لمن حوله على الزبر جلاس = اهل السموت اللي بعيد مداها
ابن عبيكه هرجته ما بها باس = تطرب لها كرام اللحى من حلاها

طول الجدار وقصرت الرجل نوماس = لا صار ما للرجل داع دعاها
تصير بعيون الرفاقه معك باس = لا صار ما تدعي تري من عناها

يصير قالات ويصير لولاس = ونوب من الادنين ياتي بلاها
قلبك يصد ويضرب القلب عوماس =والنفس تقدح عقب زايد غلاها

خلك على بابك تقل لول حراس = لا جوا عليهن محترين عشاها
لا جن من الخل الشمالي لها اضراس = والكل تشكي رجلها من حفاها

نرحب بهم من قبل من تجديع الالباس = نقلط لهم تمر الحلا من نماها
ونذبح لهم كبش مربع بالاطعاس = نقلطه من قبل يقرب مساها

هذي سلوم جدودنا قبل من راس = واللي بعدنا كان ربي هداها

الشاعر : مبارك بن عبيكة الرمالي الشمري ..