شيلة يا وجودي

[بنت الصحراء]

شيلة يا وجودي



ياوجودي ونا ماني على
كثر التوجاد يالربع مغصوب

مير لاعاد عيد الله وشفت
الناس في خير عاودني بلاي

اتصبر وداري دمعتي لكن
لاهيفت شمس الغروب

قامت الذكره تستعرض الماضي
وياسي طغا على رجايي

اطلق ازرار ثوبي وتنهت
وتعرض نسانيس الهبوب

تمسي الناس مرتاحه من الدنيا
وانا الهم ضيفي في مساي

لين ينقاد نور الصبح وشوف
الحقيقة من الحلم الكذوب

وتنتهي رحلتن مريت فيها
عشر ساعات ورجع في عناي

ياحيات الشقا جعله يزين
الحظ ولعب ع اللحن الطروب

شاب راسي من الفرقا وطاريها
وطرق الحزن يبحث خفاي

حالتي في الهوا حالة غريبن
شاف جور الزمن من كل صوب

لاخوين يقاسمني هموم
ولا عضيدن يكافيني عداي

او مثل شيخ قومن قامت الدنيا
على راسه تشن الحروب

لين شاف الغبينه من عداه
وكلن يقول خلك في ذراي

عشت في حزن ومقاصا
ضروفن لوتمر الجبل حيده يذوب

وتظاهر بحسن الحال خوفن
من هل النم تهرج في قفاي

من سبايب نحيل العود ابو خدن
كما البرق في عرض النصوب

عيطموسن ليا ناظرتها ماعاد
اميز وش ارضي من سماي

بنت شيخن يسمون العرب
بسمه ومقدم قبيله ومحسوب

وجدها مقطع الحقان وفعوله
شواهد وله هيبه وراي

اجنبت مع طلوع سهيل قبل
اربع سنين ومرابيها جنوب

خشف ريمن لياطـلت تغار
الشمس منها وهي داي ودواي

يالله بساعتن فيها يقوم
الحظ ويدلني بيض الدروب

واصل ديارها عقب البطا اللي
صار وشوفها وقطع ضماي

ليت للحب قاضي محكمه
وشكيله الحال عن فرقا القلوب

يمكن انه يراعيني ويحكم
بالمواصل ويجبر لي عزاي
---------------------
الشاعر عبدالعزيزالوذيناني