المساعد الشخصي الرقمي

مشاهدة النسخة كاملة : ا حلو ياللي بالضماير توسط


البدويه
08-20-2022, 09:15 PM
ا حلو ياللي بالضماير توسط


يا حلو ياللي بالضماير توسّط
يا محرمن هتن المدامع تجِفِّي

يا جاعل(ن) دنياي شيل(ن) معا حط
متى على الله لوعتي بك تِكفّي

الموت يوم انّك تمشَّى على الشط
تمشي وكفك يمسكه غير كفّي

حسيت روحي م الجواشن تِمَعَّط
والقلب م اللوعات دلّى يِرفِّي

هامت حروفي م العمى لك تخبَّط
والخاطر اللي كان يمَّك يشفّي

كنّي على درب الحزن ماسك(ن) خط
في ساعة (ن) زانت لراع التشفّي

قد له كثير ايام بالنوم ما غط
زاده حفاف وبالغثا مستحفي

أشربتني كاس(ن) به الموت الارقط
خليتني عقب العقل مستخفّي

واودعت بي حزنن بجوفي تصلقط
مره يضيّعني ومره يضُفّي

يا سن ياللي بالاباهم تِقَرَّط
عضوضك بقلبي دمّها مذرهفّي

أو كن قلبي بالمخاطر يْلَعَّط
خفوقه كما طار(ن) بكف(ن) يِدِفّي

ريحة حروقه فوق نار(ن) تشلوَط
بين الاضالع ينشوي ومتخفي.








-----------------------------------

ام هتان
08-22-2022, 03:38 PM
ابيات جميله ومعبره
يعطيك العافية يا البدوية ودمت بخير

راع المهرة
08-23-2022, 09:18 PM
كل الشكر لك على االقصيدة الرائعة والجديدة
سلمت يداك وذائقتك دمت بخير