النشمي
05-25-2021, 09:47 PM
الله ياهموم بقلبي طوابير
الله ياهموم بقلبي طوابير
لا راح هم جاء هم بداله
هم الزمان الي علينا مقادير
سود الليالي دايماَ في قباله
وجدي على من تعبته المشاوير
قضى حياته بين فقر ونكاله
غربال دنيايه ورود ومصادير
كن الحزن والغم والضيق فاله
الوقت هذا غير والعولمة عير
خلت صليب الراس ينسى عياله
مشغول بالدنيا ولم الدنانير
لاهي ومتباهي بحاله وماله
مايقضي الحاجة لاجوله مسايير
يمكن يقفل بيته لمن عناله
لاهل البلد تصوير وللبر تصوير
والبر تصويره ماهو باي حاله
وجدي على بدوَ تسوق المعاتير
جنوب وادي الحمض ولا شماله
بيت الشعر فيه الرجال المناعير
البيت شاَنه معتلي من رجاله
الضيف لا جاهم مسير من عصير
تلقى البشاشة في وجيه الشكاله
ودلال أبو زيد الهلالي مباهير
النار والبن الأخضر في دلاله
والجو بخياله وطرق التباشير
كنه وسم لسهيل باول هلاله
هذي منات العمر والخاتمة خير
على رسول الله تبي الرساله
الشاعر عبدالله الحمدي
الله ياهموم بقلبي طوابير
لا راح هم جاء هم بداله
هم الزمان الي علينا مقادير
سود الليالي دايماَ في قباله
وجدي على من تعبته المشاوير
قضى حياته بين فقر ونكاله
غربال دنيايه ورود ومصادير
كن الحزن والغم والضيق فاله
الوقت هذا غير والعولمة عير
خلت صليب الراس ينسى عياله
مشغول بالدنيا ولم الدنانير
لاهي ومتباهي بحاله وماله
مايقضي الحاجة لاجوله مسايير
يمكن يقفل بيته لمن عناله
لاهل البلد تصوير وللبر تصوير
والبر تصويره ماهو باي حاله
وجدي على بدوَ تسوق المعاتير
جنوب وادي الحمض ولا شماله
بيت الشعر فيه الرجال المناعير
البيت شاَنه معتلي من رجاله
الضيف لا جاهم مسير من عصير
تلقى البشاشة في وجيه الشكاله
ودلال أبو زيد الهلالي مباهير
النار والبن الأخضر في دلاله
والجو بخياله وطرق التباشير
كنه وسم لسهيل باول هلاله
هذي منات العمر والخاتمة خير
على رسول الله تبي الرساله
الشاعر عبدالله الحمدي