المساعد الشخصي الرقمي

مشاهدة النسخة كاملة : حاولت أعالج علتك مير ما هناش


ابن الصحراء
02-27-2022, 07:58 PM
حاولت أعالج علتك مير ما هناش
حاولت أعالج علتك مير ما هناش
كل يوم اعالج والجروح إتجدد

ودي ابرسل لك من الراس مطراش
لكن فكري كل يوم يتردد

مافيك طب ولا نفع فيك الانعاش
وأنته تشوف الحق وعنه تصدد

لو يسمع ابياتي من الطير خفاش
وقف مكانه بالنظر ما تلدد

كبودنا راحت مع الوقت عطاش
وأنته ضميرك فيه حرفه يردد

امسح دموعك لا يجي منك الاجهاش
وأغنم سنينك قبل ما هي تبدد

ما هوب عيبن لو لبس غيرك خياش
الموت لا صرت لعدوك تودد

ما نيب بصدور المخاليق نباش
حتى النصايح صرت فيها أتردد


الشاعر يحيى بن شيبان





---------------------------

سوار ديزاين
03-04-2022, 11:39 AM
قصيدة وكلمات جميلة جدا

سلمت الايادي على الطرح الجميل

بارك الله فيك وجزيت كل خير