ياسعود بشرني عسى نجد ممطو

[راع المهرة]

شيلة ياسعود بشرني عسى نجد ممطور


https://youtu.be/fkzzoFzSTfQ



جتني بشاير خير وامسيت مسرور
لعلها بشرى قرج وابتهاجه

ياسعود بشرني عسى نجد ممطور
عقب الجفاف الي يثور عجاجه

ياحلوها لو قلت لي يابومنصور
مابه محلن ماتملت هباجه

حتى يجي للبل ومظاهرها دور
من عقب شبكن محتكرها سياجه

وضحن لا اونست الملل وانت فالدور
تعطي بها مع نجد واسع قجاجه

وتقهر لها في عالية نجد مقهور
في خايعن ماجاه حايش نعاجه

غير الحباري مامشاها فيه ديور
وعشبه مغطن ماعرى من زراجه

بين الجرير وبين مبهل و مجرةر
ولا العريق ومحتزم به سواجه

ولا هباجن بين مسري ومظهور
مراتعن عذروب ماها هماجه

واخذر يغيب من العصافير عصفور
الوضع اشوفه صار فيه ارتجاجه

ولاتشرح الي به على كل دكتور
بعض الاطباء مايناسب علاجه

واليا حصل جارن يبادلك بالشور
وسيع بال ومسفهلن حجاجه

لاتنحنجن للعرج والعمي والعـور
والفوضوي والي قليلن خراجه

منتب على اللي مايسارك مجبور
والي مزاجك مايوافق مزاجه

وافضل وسيلة وانت بالخير مذكور
وسيلتن متنتعوض بحاجه

قدمك طلريق (ز) للميامين ماثور
هدي الرسول وسنته وانتهاجه

والغاتحة والفجر والعصر والنور
ومن صخخوه الترمذي وابن ماجه

والواحد الي من يناجيه ماحور
اليا فات ثلثين من الليل ناحه

قدام تلبس ثوب ماهوب مزرور
وعقب السؤال تواجه الي تواجه

مادامت الدنيا لكابر ومكبور
الي رحل والي يمس الحداجة


كلمات الشاعر الكبير:
عبدالله بن عون

-----------------

[ابن الصحراء]

شاعر مميز يجيد جزل القصيد
سلمت يدك لحسن الاختيار

والواحد الي من يناجيه ماحور
اليا فات ثلثين من الليل ناحه

قدام تلبس ثوب ماهوب مزرور
وعقب السؤال تواجه الي تواجه

مادامت الدنيا لكابر ومكبور
الي رحل والي يمس الحداجة

[سوار ديزاين]

https://a.top4top.io/p_2169kp8vu1.gif