قم سو ما يجمد على الصين يا ذياب

[النشمي]

الروقي إليك قصيدة الشيخ الفارس/ هـــايـــس بـــن مـــجـــلاد بالقهوه ولمن نصبها ولمن لانصبها ..





قم سو ما يجمد على الصين يا ذياب × بدلال يشدن البطاط المحاديب
أحمس الى من العرق فوقها ذاب × كبه بما يجذب عليك الشواريب

نجر يصيح بالسكر تقل بحزاب × طقه على طول الدهر بالمواجيب
الى ذلق فنجالها كنه خضاب × ورس صبغ بكفوف بيض الرعابيب

صبه لمن قاد السرايا للاجناب × فى مفرسه يشبع به النسر والذيب
والثاني للي لفوا له على ركاب × باطراف بيته تقل مجزر قصاصيب

والثالث اللي لا غشى الزمل ضبضاب×يرخص بعمره دون زمل الرعابيب
وباقي الملا يكفيهم التول لو شاب × رصاصه المقعد حمير المشاعيب

اللي نهار الكون يفزع بمصلاب × كبار الانفس ساهجين المواجيب
لا تكرم الشيبان منهم ولا الشاب × هنهم ونفل من وفا بالمواجيب

واحذر تراعي كل من كان سباب × ولا من ركس عرضه بشين العذاريب
ولياك تعطي من بالاقوال كذاب × ولا من هفا فى واجبات المعازيب

ولا من غداللجار والضيف نهاب × ولا من غدر او صار طبعه ذباذيب
ومن كان هافي لو لبس زين الاسلاب × النذل لازم يلتقا به مقاضيب

مامنهم اللي صار للفود كساب × ايضا تراهم للمخازي مناديب
هاذي عوايدهم خسيسين الانساب × مامنهم اللي للشدايد لها جيب

هـــايـــس بـــن مـــجـــلاد إبن ضلعان



-----------------------------